„Mentor er málið“ Upplifun nýliða á móttöku- og þjálfunarferlum

Ritgerð þessi fjallar um móttöku og aðlögun nýrra starfsmanna og félagsmótun þeirra innan fyrirtækis. Markmiðið var að kanna upplifun nýrra starfsmanna á móttöku-,aðlögunar- og þjálfunarferlum með tilliti til félagsmótunar. Gerð var eigindleg rannsókn þar sem þátttakendur voru starfsmenn alþjóðlegs hugbúnaðarfyrirtækis. Fyrirtækið sem unnið var með og kannað var í rannsókninni er ört vaxandi alþjóðlegt upplýsingafyrirtæki með höfuðstöðvar á Íslandi og með mikla jákvæða starfsmannaveltu. Rannsakandi ályktaði fyrir rannsókn að vel væri staðið að móttöku og þjálfun nýrra starfsmanna. Helstu niðurstöður rannsóknarinnar voru að móttökuferli nýrra starfsmanna er í föstum skorðum þrátt fyrir að vera í stöðugri þróun og sveigjanlegt. Upplifun viðmælenda af móttökuferlinu er almennt mjög jákvæð og niðurstöður gefa vísbendingu um að nýir starfsmenn eigi góða möguleika á að mynda tengsl við samstarfsmenn sína. Þjálfun nýrra starfsmanna var mátuð við kerfisbundinn þjálfunarhring Mankin og félagsmótunaraðferðir bornar saman við greiningu Van Maanen. Niðurstöður sýna að vegna sveigjanleika, breytilegs umhverfis og ört stækkandi starfsmannaflota notast fyrirtækið við blandaðar aðferðir við þjálfun nýrra starfsmanna og félagsmótun